قۆناغی بنەڕەتی
لە کۆمەڵگەی هەولێر ١ی پەروەردەیی ناحکومی، قۆناغی بنەڕەتی وەک بناغەی سەرەکی دروستکردنی کەسایەتی و توانا زانستییەکانی قوتابی سەیر دەکرێت. بەرنامەی خوێندنمان بە شێوەیەک داڕێژراوە کە هاوسەنگی نێوان زانست، پەروەردە و گەشەپێدانی مهارتەکانی ژیان بپارێزێت.
لەگەڵ پەیڕەوکردنی بەرنامەی وەزارەتی پەروەردە، گرنگییەکی تایبەت بە فێربوونی زمانەکان دەدەین. قوتابیان بە زمانی کوردی، عەرەبی و ئینگلیزی فێردەکرێن، بۆ ئەوەی بتوانن لە قۆناغەکانی داهاتوو و لە ژیانی ئەکادیمی و پیشەییدا بە متمانەوە بەردەوام بن.
وانەکان بە شێوازی کارلێککارانە و بە بەکارهێنانی ئامرازە مۆدێرنەکانی فێرکردن پێشکەش دەکرێن، تاکو قوتابی تەنها زانیاری وەرنەگرێت، بەڵکو فێری بیرکردنەوە، گفتوگۆ، چارەسەرکردنی کێشە و کارکردنی هاوبەش ببێت.
لەگەڵ بابەتە ئەکادیمییەکان، گرنگی بە هونەر، وەرزش، چالاکی کۆمەڵایەتی، داهێنان و گەشەپێدانی بەها مرۆڤایەتییەکان دەدرێت، چونکە باوەڕمان وایە سەرکەوتن تەنها بە نمرەی باش پێوانە ناکرێت، بەڵکو بە کەسایەتی، ڕەفتار و بەرپرسیاریش دەپێورێت.
ژینگەی خوێندنمان ئارام، پارێزراو و هاندەرە، کە قوتابی تێیدا هەست بە دڵنیایی و متمانە دەکات و ئازادانە تواناکانی خۆی دەردەبڕێت. هەروەها، بە ڕێکخستنی چالاکیی زانستی، هونەری، وەرزشی و گەشتی پەروەردەیی، هەوڵ دەدەین فێربوون ببێتە ئەزموونێکی خۆش و کاریگەر.
ئامانجی ئێمە ئەوەیە نەوەیەک پەروەردە بکەین کە خوێنەوار، داهێنەر، بەرپرسیار و ئامادەی خزمەتکردنی کۆمەڵگا و ڕووبەڕووبوونەوەی ئەرکەکانی داهاتوو بێت.